اعتراض: سلف صالحین کے نزدیک خلافت علی منھاج نبوت سے مراد سیدنا عمر بن عبدالعزیزؒ کا دور ہے۔

یہ حدیث واضح طور پر امت میں آخرین کے دور میں خلافت کے قیام کی طرف راہنمائی کرتی ہے کہ ظلم و بربریت کے سخت ادوار کے بعد خدا تعالیٰ اس امت پر کرم کرتے ہوئے دوبارہ خلافت علی منھاج النبوۃ قائم کردے گا۔
٭ حضرت عمر بن عبدالعزیز کے بارے میں یہ پیشگوئی پوری ہونے کے استدلال سے ثابت ہوتا ہے کہ معترض اس حدیث کی صحت سے متفق ہیں۔ جہاں تک کسی آدمی کے اس حدیث کو عمر بن عبدالعزیزؒ پر چسپاں کرنے کا تعلق ہے تو یہ اُن کا ذوقی استدلال تھا۔

حقیقت میں یہ حدیث ان پر چسپاں نہیں ہوتی اس لئے کہ:.

(i)آنحضور ؐ نے ظلم و بربریت کے جن ادوار کا ذکر فرمایا وہ ادوار بعد میں آئے۔ اس سے قبل تو محض اس کی پرچھائیاں تھیں۔
(ii) آنحضور ؐ نے یہ فرمایا تھا کہ پھر خلافۃ علی منھاج النبوۃ ہوگی۔ ان عمر بن عبدالعزیز ؒ سے قبل کون نبی تھا جن کے وہ خلیفہ تھے؟ یہ حدیث خلافت کو نبوت کے ساتھ لازم و ملزوم کرتی ہے کیونکہ خلافت علی منھاج النبوۃ وہی خلافت ہوگی جس کی بنیاد نبوت پر ہو۔
(iii) کیا کسی نبی کے بغیر بھی خلافت جاری ہوجایا کرتی ہے؟
اگر ہو سکتی تو شاید مولوی صاحبان بھی کر لیتے۔ حقیقت یہ ہے کہ خلافت کا قیام نبوت کی سرزمین کے علاوہ ممکن ہی نہیں۔
(iv) کیا حضرت عمر بن عبدالعزیز کے دوچارسالہ دورِ حکومت کی طرف ہی حضورؐنے اشارہ فرمایا تھا؟